حالة غريبة مش عارف شو سببها ؟؟

[أ.محمد العشي]

بسم الله الرحمن الرحيم
السلام عليكم ورحمة الله وبركاته
قبل فترة جاءتني حالة والله حيرتني وشككتني بنفسي بنفس الوقت
هذا الرجل نظره 6/36 ولكن ............................
هذا الرجل يرى الاشارة التي على جهة اليمين الي اليسار والتي على جهة اليسار الى اليمين ويرى التي الى اعلى اسفل والتي الى اسفل اعلى .........................
مع اني فهمته على الاشارات كويس وخليته يشوفهم عن قريب عشان يفهم كيف بده يجاوب
بس للأسف جنني جوابه عكس الي عاللوحة تماما زي ما قلتلكم توي وكان نفسي يغلط ويحكي انه الي فوق شايفها يسار ولكن لللأسف شافها تحت ...............!!!!!!!!!!!!!!!!!!!!!!
حتى لدرجة انه انا شكيت في نفسي لأكون انا شايفهم غلط ؟؟؟؟؟ رحت لفيت حالي وقربت على اللوحة وطلعت عليهم كويس عشان اتأكد .....................
وبعد مليوووووووووووووون عافية وصل معي ل 6/18 ونعمة من الله انه وصلها مع العلم انه هده اول مرة يلبس فيها نظارة

شو رايكم بهاي الحالة وشو سببها يا ترى وشو تشخيصكم لإلها؟؟؟؟؟؟
حالة غريبة صح؟؟؟؟؟؟؟؟؟؟؟؟؟؟؟؟؟

[The Princess]

السلام عليكم
أنا بصراحة كنت أقرأ الموضوع وبضحك عن جد حالة غريبة
بس لاحظ انه اتجاه اليمين عنده بيكون عكس اتجاهك اذا كنت واقف مقابل اله ويمكن هوا بيجاوب على اتجاهك بس الفوق والتحت ما اله تفسير من هذه الناحية ؟؟؟؟
وكمان بدى أسأل هوا شاف الاتجاهات بالعكس عند ما كنت تصحح بالعدسات ولا كمان من قبل؟
وكمان ممكن انه يكون هوا متعمد يعمل هيك يعنى un cooperative persone
أو بيكذب عليك يعنى حب يمزح معك
أما من ناحية refraction فى العين أنا بصرلحة ما عندى تفسير محدد
شو بدو يكون يعنى احنا بنشوف الأشياء مقلوبة وهوا بيشوفها معدولة عكس اتجاهنا ؟؟؟؟
على العموم ان شاء الله بفكر فى الحالة تانى واذا لقيت حل برد تانى على الموضوع

وأنا عجبنى هذا الاسلوب بطرح الحالات على المنتدى للمناقشة
منه والى المزيد والتقدم

[أ.محمد العشي]

هلا بك يا The Princess وشكرا لك على مشاركتك
لمن احكي انه جنني يعني عن جد جنني
اول شي الراجل هدا يمكن عمره 50 سنة ومش باين عليه نهااااااائي انه تبع مزح او شي زي هيك
وتاني شي لا تخافي من ناحية الاتجاهات على حسب اتجاهي انا او اتجاهه هو هو ما كان يحكي اصلا كان يأشر بإيده على فتحة الاشارة وما كان يحكي ولا كلمة.............
وانا كمان فكرت فيها انه ممكن بيكذب عليا وغير متعاون معي بس ما ظنيت انه هو هيك لانه لمن بديت احط اله العدسات بدا يلقط صح ويشوف بس مش كلهم والي كان يغلط فيهم كان يغلط زي ما حكيت بأول موضوعي حتى انا حطيت اله عدسة plano عشان اتأكد منه بس حرام الراجل ما غير اجابته .....

عشان هيك انا ستغربت كتييييييييييير وحمدت ربي انه بدا يلقط و يشوف ووصل لغاية 6/18

الله يفرجها عليه وعليا يا رب
.............................................

[opto.Bushra]

السلام عليكم

بجد حاااااالة غريبة جدا جدا لسة الحالة اللي حكيت عنها في موضوع قبل هيك أهون

على العموم شكررررااااااااا على طرحك للسؤاااااال

راااح اجااوب بس مش متأكدة يمكن هذا الرااجل عنده maculaراح تكون medial مش زينا

على العموم رااااااااح أفكر

يعطيك العاااااافية

تحيااااااتي

[Brave Heart]

بسم الله الرحمن الرحيم
بصراحة هي فعلا حالة غريبة شوية بس أنا عندي تفسير يمكن يكون صحيح
أنا باعتقادي ان السبب في رؤية هذا الرجل للأشياء معكوسة هو ليس في وضع macula لانه لو كان كذلك فانه لا يرى الأشياء معكوسة وانما يحرك رأسه ويرى الاشياء سليمة ........
ولكن سؤال يطرح نفسه ياكنج .
هل سألت الشخص كيف يعيش حياته اذا كان يرى الاشياء مقلوبة ؟؟؟؟!!!!
بمعنى كيف يمشي بالشارع ؟؟ كيف يتحرك من مكانه ؟؟ وكيف يرى بعض الاشياء مقلوبة والاشياء الأخرى معتدلة ؟؟؟؟؟؟!!!!!!
كل هذه الأسئلة تحتاج الى أجابة .........
ولكن أنا بإعتقادي أن السبب الرئيسي لهذه الحالة هو خلل في بعض الأعصاب الموجودة في منطقة
V1 area في المخ وهي المسؤلة عن ترجمة المجال البصري الذي نراه أمامنا والترجمة السليمة هي :::
The central visual field is represented in the occipital pole of V1 area
The periphery visual field is represented in the anterior margin of the calcarine fissure with the upper & lower visual field represented in the lower & upper banks of the V1 area respectively

أي كل منطقة من المجال البصري تمثل بالعكس في هذه المنطقة ولكن عند هذا الشخص كل منطقة تمثل بنفس الترتيب على منطقة V1 area بمعنى أن المجال البصري العلوي يتمثل على الجزء العلوي من هذه المنطقة وهكذا يرى الأشياء مقلوبة على عكس الانسان السليم الذي يراها معتدلة .......

أحب أن أوضح نقطة
calcarine fissure هو خط يقسم منطقة V1 area الى نصفين علوي وسفلي وكل نصف يسمى Bank أي تقريبا معناها ضفة .

أو قد يكون عند الشخص خلل في تمثيل المجال البصري في LGN .

هذا والله أعلــــــــــــــــــــــم
اتمنى أن يكون تشخيصي صحيح ......
وشكرا لك The King على هذه المشاركة

تحياتي لكم

[opto.Bushra]

وبصرااااحة فكرت بشيء بس مضحك شوية
مايمكن المريض بفكر انو الصورة بتتكون بالعكس على اساااااس انو احنا بنشوف الصورة في المرآة معكوسة

تحياتي

[دمعه فلسطين]

بصراحه ممكن الي قالوا الاخ بريف هارت

بعدين هادي الحاله كتير موجوده
يعني بفحص الاطفال كتير صارت معنا
انو بالاول يحكي صح >> يعني فاهم الولد
بس في اليمين يسار واليسار يمين كتير يشقلب فيهم

مش عارفه يمكن هو نفس السبب اللي يخلي الشخص يجم 1+ 50 = 15
بدل من 51
مع انه مش غبا بالطفل لكن لسبب خلل معين بالعين

>> مش عارفه ممكن اه واكيد لا ههههه بس هو تفكير والسلام


اما بالنسبه لرد بشري بشري هادا الشي اللي غريب بجد
معقول يعين لهالدرجه
\بس هو مستحيل لانو بالاول كان يحل صح ولو هادا السبب كان من اول ما حل صح
؟؟؟

[happy with u]

أجمل شيء عندما يجتمع الأخصائيين ويطرحوا ارائهم بصراحة أنا لسة سنة تانية بس الحالة كتيير غريبة والكلام بيضحك بس بصراحة كلام Brave Heart مقنع جدا يعني هل سألت المريض كيف بيشوف الصور بحياته العادية اذا كان بيشوفها مقلوبة ولا كيف الوضع عنده بالزبط ؟؟ عالعموم أتمنى من الله أن يوفقكم جميعا وان شاء الله بتنحل يعطيكم العافية

[دعاء]

السلام عليكم
لو أخذنا بتفسير بريف هارت قد يكون مقنع
ولكن تبعا لذلك المريض سيرى كل ماحوله مقلوب فهل يكون قد تأقلم وتكيف مع هذا الوضع (لا أعتقد)

ولو كان المريض يرى كل شي مقلوب لما صبر حتى الخمسين دون شكوى ( اذن لابد من الإجابة على أسئلة بريف السابقة)

السؤال الذي يطرح نفسه ماهي شكوى المريض التي قدم بها

[Brave Heart]

السلام عليكم
لو أخذنا بتفسير بريف هارت قد يكون مقنع
ولكن تبعا لذلك المريض سيرى كل ماحوله مقلوب فهل يكون قد تأقلم وتكيف مع هذا الوضع (لا أعتقد)

ولو كان المريض يرى كل شي مقلوب لما صبر حتى الخمسين دون شكوى ( اذن لابد من الإجابة على أسئلة بريف السابقة)

السؤال الذي يطرح نفسه ماهي شكوى المريض التي قدم بها

صحيح أختي متل ما حكيتي مش معقول بشوف كل اشي مقلوب وصبر للخمسين بدون شكوى .

تحياتي

[عيون النجاح]

السلام عليكم
يعطيك العافية بالبداية يا اخي اكتير بتصير متل هاي الحالات معنا في العيادات هلا في مثل هيك حالة احنا ما بنعرف وين المشكلة هل هي خلل في عين المريض او خلل في فهمو للموضوع لهيك انا بنصحك في متل هيك حالة تتاكد وتفحصو على refractometer وهيك رح يبان لك اذا كان كلاموصحيح او خظا او بتفحصو عن طريق retinoscop لانو يا اخي الانسان بهذا العمر من الممكن ان يكون استيعابو بطئ او عندو مشكلة بافلهم فاحنا بنعاملهم كالاطفال تماما
وبالنسبة للحالة انو هي ممكن الانسان يشوف كل شي معكوس هاي حالة مرضية موجودة ولكنها اكيد بتكون مع الانسان منذ الولادة مش ععمر 50 سنة بانت
لهيك اخي انصحك في متل هيك حالات ما تعتمد علي بيحكيه المريض انت شخص بلا ما هو يحكي
ومش غلط لو فحصنا funds لنتاكد اكتر في متل هيك عمر
انشا الله اكون فدتكم بشي
خريجة كلية البصريات /جامعة النجاح الوطنية -نابلس
collage of optometry in an-najah unevircity

[dream]

انا من وجهة نظري زي ما حصلت مع زميلتنا بالعيون كانت عجوز ونفس الشي حصل معها بالنهاية طلعت بتحكي عن اتجاه الفراغ الابيض بين اجزاء حرف الe

[MAJOR GENERAL]

برأيي أن الراجل بيحزر تحزير ومش شايف إشي وصدفة بتظبط معه انه يقول العكس